اول محاولة ليا كنصيب بسطيلة الدجاج اقسم بالله الى جات بحال ديل المناسبات
كدغمرو الدجاج عاااااادي كما كلشي كيطيبو كتحيدو ليه العظم وتفرتتوه انا مبيتاه فالشرمولة من لبارح باش يجي بنين..
ديك الدغميرة خلوها تتعقاد مزيان حيدو زلافة غتزيدوها على الدجاج باش ميجيش ناشف ..
ودكشي لي بقا من دغميرة غتزيدو ليه معلقة العسل ومعلقة القرفة وربعة البيضات تينشف مزيان ..
نشدو اللوز نصلقوه نفسخوه نشفوه نقلوه نطحنوه ماشي مهرمش غليظ وماشي معلك بين بين انا خلطت معاه نيستلي مركز محلى ..
شدو الورقة دهنوها بالزيت مع شوووووية الزبدة وستفو فالمول ديرو دجاج هو لول عاد اللوز عاد البيض وغلفوها وطيبوها على عافية مهيلة وزوقوها بلي حبيتو ..
انا دهنت جناب بنيستلي ولصقت عليه لوز ايفيلي ومن لفوق رشيت سكر كلاصي ودرت خطوط بالقرفة..
بالصحة والراحة