صدر الدجاج معمر بالكسكس

عجبهم كلشي ومن حسن الحظ ديالهم حتى الجو كان مشمس، الاكترية عجبهم صدر الدجاج معمر بالكسكس والمشماش ، صاوبتو البارح باش يرقاد مزيان واليوم دخلتو الفران لوقيتة لي حطيت لونطري :

الكسكس صاوبتو بعطرية راس الحانوت والزعغران والربيع والبصلة الخضارية وقطعت المشماش طروفا صغار بزاف وخلطتو مع الكسكس وزيت العود وحامضة محكوكة وشوية داللوز مقرشل، دخلتو الفران يطيب، طلعت صوص بالبوارو والزعتر من بعد ماتقلاو مزيان زدت عليهم كاس النبيد الابيض ( تقدرو ديرو لكريم مباشرة ) باش مايقولش شي واحد راه رمضان تنبيه راني تنطيب للنجالزة اما المسلمين عطيتهم التيساع حيت ماتيخليوش وتيجرجروك.

من بعد النبيد يقرب يتفابورا نزيدو كمية ديال لكريم لي غادية تقد العدد ونديرو الزعفران والملحة وليبزار