محاشي على الطريقة السورية

كناخدو الخضر لي عجبونا فالاصل كيدار كوسة ( كورجيت ) باذنجان، فلفلة حلوة ،ورق عنب ( انا درت ورق ملفوف تا هو كيدار ) ودرت تا طماطم

نخليهم من داخل بموس خاص ولا غير ب معلقة بلاما نقطعو ولا نهرسو الخضر ديالنا وحنا كندهنو بالحامض باش ميكحالوش الخضر

الحشوة فيها

2 كيسان روز ابيض ( منقوع فالماء على الاقل 10min)

رابعة كفتة ممكن أكثر ممكن أقل( ولا ممكن نستغناو عليها .. محاشي على طريقة المصرية مافيهاش كفتة )

و ملعقة معجون الطماطم و ملح الليمون ،البهارات السبع ،ابزار ، تحميرة ، نعناع يابس اختياري انا مادرتوش

نجمعو هاد الحشوة ونضيفو ليها زيت زيتون ( هوما كييفو ذهن الذيل ) باغي يشبه لشحمة كتكون فليل الغنم كيطيبو بيها ، انا اكتفي بزيت زيتون

نحشي الخضر ديالي و فطنجرة ولا كاميلا كنحط الدجاج ولا اللحم لي بغيتو من تحت ونضيفو عليها فصوص ثوم ثم نستفو الخضر المحشية وزيت زيتون ونضيفو عليها كأس د الماء كبير فيه ملح الليمون و معجون طماطم و رويت على الخضر ( انا ماعنديش ملح ليمون درت ملح عادي و ضفت حامض ليطرونش وعصرت تا عصير حامض كتجي لذيذة محمضة لذيذة )

ونحط عليها طبسيل نثقل على الخضر غير تبدأ تغلي نقصو العافية ونخليها طيب على خاطرها

كتجي خاترة وبنينة ولذيذة

الطعم خيااااال يستحق تجربوها