لاسوب د الكورجيت والبروكلي – Hajar Ouroui
فبراير 13, 2024
كوكيز – Dame De Pique
فبراير 14, 2024

گاطو بكريمة الياغورت – Dame De Pique

الوصفة :

-العجين :

جوج صفار بيضة (بيض كبير، إذا صغير ثلاثة) يتخدموا مع 70غ سكر حبيبات (ما يعادل نصف كاس عنبة)، كانزيد 70ml زبدة مذابة (ما يعادل نصف كاس عنبة )، كانزيد 200g دقيق معاه قبصة ملح وزيسط ديال حامضة ونصف خنيشة خميرة د الحلوة، ونجمع العجينة وكانقسمها على زوج، نصف العجينة كانطلقوا غي بصبعاني فمول مفرشاه بورق الطبخ (من الأفضل اللي كايتحل من الجناب)، ونصف كانغلفو ونحتفظ بيه فالفريگو يجمد شوية الوقت اللي نحضر فيه الكريمة ..

-الكريمة :

كانطرّب بياض البيض اللي بقى مع معلقة كبيرة سكر حتى يرجع فحال الثلج (كانزيد السكر تدريجيا) ، فإناء اخر كانطرب أربعة د الياغورت ڤاني (ما يعادل 400g) مع 50g دقيق، فاش كايمتزج كانخلط معاه أبيض البيض تدريجيا غي بمعلقة خشبية.

كانخوي الخليط فالمول فوق العجينة اللي سرحت، نجبد الطرف د العجينة اللي فالفريگو ونحكه بالحكاكة فوق الخليط ونرد الگاطو يطيب على درجة 180 مع الفرفارة، فاش تتحمر نطفي الفران ونخليها شوية لداخل باش ما تفشش


Warning: Trying to access array offset on value of type null in /home/kouzintn/public_html/wp-content/themes/betheme/includes/content-single.php on line 259
admin