المروزية – Fouad Bousalham
الوصفة و الطريقة :
فطنجرة نوضعو قطع لحم الغنمي من جهة العنكرة أو السلسول
نزيدو كأس زيت رومية و كاس الما دافي مرطب فيه زعفران شعرة
العطرية كنستعملو : خلطة المروزية، الملح، البزار، خرقوم، سكينجبير و ثوم محرود بنعومة
و نخليوها على عافية مهيلة حبذا على المجمر
ملي يبدا يدخلها الطياب و بانت لك نشفات نضيفو شوية الما دافي
من بعد نضيفو القرفة، السمن، زبيب مرطب، كاس زيت بلدية و زوج معلقات كبار د العسل، و نخليوها تكمل طيابها
غير تبان لك تعسلات، نضيفو لوز مصلوق، مقشر و مقلي فالزيت
و سربيها بالصحة و الهنا